Kahani ek Sher ki jiski Halat baad me ek Kutte se bhi badtar ho gaye

Dosto aaj mai aap logo ko ek aise Sher ki kahani batane ja raha hu jo ki jungle ka Raja hua karta tha, lekin baad me apne ghamaand  ke karan uske halat ek kutte jaise ho gaye. 

Kahani ek Sher ki jiski Halat baad me ek Kutte se bhi battar ho gaye.

Dur jungle mein ek Sher aur uske bacche rahte the. Sher ke bacche nidar hokar jungle me ghuma karte the aur khel-khud kiya karte the. Sherni bhi apne baccho ke liye accha sikar karti thi. Pure jungle me Sher ke bacche shan se ghuma karte the. Dheere-Dhire samay bit ta chala gaya. Shero ke bacche bade hone lage aur aur Sher buda hone laga. Samay ke sath sath Sherni ne apne baccho ko Sher ke jaise dahaarne aur sikar karne ki shikha dena shuru kar diya. 

Kuch samay baad Sher jab thoda buda hone laga to apne pariwar ke sath dusre jungle me chala gaya. Ab tak Shero ke bacche bade aur jawan ho gaye the. Is naye jungle me sher se jyada unke baccho ki Shan hone lagi. Naye jagah par shero ke bache pahle ki hi tarah Shaan se ghumne aur khelne-kudne lage. Dhire-Dhire Sher ko lagne laga ki uski badshahat kam hoti ja rahi hai jungle me aur us se jyada uske baccho ka naam jayda bada hota dikh raha hai. Is baat ko lekar sher ke andar heen bhawna aa gaya.  Ab wo din-raat bas apne badshahat ko qayam karne ko lekar shocne laga. Jis se uske health par bahut bura prabhav pada aur Sher Bimar aur kamjor hone laga. Ab Sher baat-baat par apne baccho se ladne laga ta. Uske haste khelte pariwar ko najar si lag gayi thi. 

Jab bhi Shero ke bacche sikar par nikale to Sher uske beech me aa jat aur apne baccho ko rok kar ghar me rahne ki salah deta. Sher ki baat na man ne par Sher apne baccho par daharne ki koshish karta pad bimar aur kamjor hone ke karan uske muh se Shero jaise dahar ab phale jaise nahi nikalti thi. Kabhi Kabhi jab Shero ke bacche aapas me khela-khuda karte tab Sher unko chup rahne ki salah deta tha. Shero ke bacche jab jor se Dharna chahte toh Sher unko rok deta. 

Sher ke is vyawar se Shero ke baccho par bahut he bura prabhav padne laga. Ab Sher ka pariwar aam jungle ke janwaro ki tarah rahne laga. Sherni bhi budi ho chuki thi par sab kuch samajh kar bhi kuch nahi kar pa rahi thi. Shero ke baccho ko sikar karne se rok dene ke karan  sher ke bacche ko accha khana nahi mil pa raha tha jis se bacche bhi Kamjor ho gaye aur unki awaj bhi nikalna band ho gaya. Shero ke baccho ka man is kadar tak badal gaya ki wo bhul he gaye ki wo ek sher hai, wo sher jo jungle ka raja hua karta hai.  

Samay aur bit ta chala gaya. Ye baat jungle me fail gayee ki Sher aur unka pariwar puri tarah se kamjor ho chuka hai. Dhire-Dhire Sher ka dar jungle ke  janwaro se nikal gaya. Jungle me Sher ke alwa aur bhi sikar karne wale dusre chote janwar the. Ab wo befikar hokar sikar karne lage aur Shero ki tarah jungle me me sikar karna suru kar diye. Bechare Sher ke bacche mansik rup se itna kamjor ho gaye ki jungle ke chote janwaro se bhi darne lage.  Sher aur unke pariwar ke andar ye dar sa baithgaya ki kahi jungle ke chote janwar hi na unka shikar kar de.Sher ko ab ye baat kafi der me samajh me aayi ki kabhi bhi apne family ko apne se alag nahi samajna chahiye.

Dosto hume Is kahani se ye shika milti hai ki hamari halat kitni bhi kharab ku na ho hume apna wajood nahi khona chahiye. Hume khud ko kabhi bhi nahi bhulna chahiye. Humari halat ek chuhe ki he kyu na par apne pariwar ka mukhiya hone ke naate hume ek Sher bane rahna chahiye. Hamri taraki sir humi se nahi judi hoti hai isme hamare pariwar ki taraki bhi judi hoti hai. Jo vyakti apne pariwar se pyar nahi karta wo zindagi me kabhi bhi aage bad nahi sakta hai. 

Agar aapko ye kahani pasand aaye to isko apne dosto aur Facebook par jarur share kare saath he hamare blog ko subscribe bhi kare.